قصه اعتيبي من مزاين الهيلا عجيبه

((السلام عليكم ورحمته الله وبركاته))
موضوعي اليوم يخص مزاين الهيلا كنت متواجد من يوم الاثنين الماضي إلى يوم الخميس بعدها رجعت للرياض وكان عندنا مخيم وكل عيال عمي متواجدين خلاصة الموضوع أنا أنسان كسول مستحيل أشتغل المهم يوم الثلاثاء بعد ماتعشينا فيه أغراض وصـخه لازم نوديها للزباله وتبعد الزباله عن مخيمنا حوالي 3 كيلوا المهم قالي أبوي قم شل الاغراض بالسياره وانطلها بالزباله قلت أبشر وقمت قلت لعيال عمي واحد يخاويني قال ابوي لا لأحد يروح معه تعود على الشغل الى متى وانت كسول



فيه واحد من عيال عمي جايب معه قناع مرعب المهم قبل أروح أودي الاغراض للزباله كان رايح قدامي على رجوله للزباله ينتظرني هناك عشان يخوفني وكل الي بالمخيم عارفين أنه هناك عشان كذا محد راح معي المهم ولد عمي لبس قناع على وجهه ولبس سروال أسود قصير وماعليه لا فنيله ولا شي بس سروال وقناع



المهم أنا مشغل المسجل وأغني بعد ماوصلت عند الزباله وانتم كرامه فتحت الباب نزلت وتركت الباب مفتوح نزلت الاغراض الي بالصندوق بعد مانزلت الاغراض سمعت صوت واحد يقول أنا جوعان أنا جوعان على طول التفت أبي اشوفه وين يوم ناظرت الا هو وراي وأنا أصيح وأنحاش بأتجاه المخيم


وأركض للمخيم والتفت وراء أبشوف ولد عمي الجني وراي والا لا وأنواع الصياح وانادي عيال عمي ملعووون الجدف ولد عمي سريع صارت المسافه بيني وبينه قصيره هو فيه الضحكه بس ماسكها بعد مالتفت له وشفته قريب قلت يلـعن أمك من الخوف وهو يضحك ويوقف مكانه أنا واصلت ركض من الخوف وهو يصيح يناديني يقول كايد تعال أنا فلان أو ماقاله طحت على الارض من الخوف عيال عمي الي بالمخيم كلهم واقفين برى يتفرجون ويضحكون


بعدها حلفت ماعاد أروح لحالي بالليل ولا عاد أشتغل

يارتهم مصووورينك وجبته كان انووع الضحك ..

مشكوور وما قصرت والله يعطيك العافيه ..

مشكورررررررررررررررررررررررررررررررررررررررررررررررر