قصه واحد متخلف

((السلام عليكم ورحمته الله وبركاته))
مرة من المرات كنا في فاتحة نعزي بعض الاصدقاء في وفاة والده
طبعا كنت انا وخوي ومعانا ولد عمي...

معروف في التعزية كل واحد يقول كلااام غير...
مثل: عظم الله مصابكم...
عظم الله اجوركم...
الخلف براسك...
الى اخره...

واهل الفقيد بعد يردون بكلمات مختلفة...
مثل : احسنت...
رحم الله والديك...
طول الله عمرك...
الى اخره...

واحنا نعزيهم...وناس وااايد مصطفين طابور كبير والكل حزين...

واحنا نمشي...خوي مع ولد عمي شافوني اضحك وااايد وهم مستغربين
يسألوني شنو فيك؟؟؟ وانا مب قادر اتكلم...وحاط غترتي على ويهي ما ابي احد يشوفني...فضيحة والله... زين قدرت انطق كلمة بالغصب وقلت لهم بعدين

وانا ابي بالسرعة اطلع وأخلص...والطابور يمشي شوي شوي ذابحني...وانا كل شوي انزل راسي تحت واضحك مب قادر اتصبر...

تدرون على شنو كنت اضحك؟؟؟

كنت اقول الى احد اهل الفقيد " الخلف براسك"
من كثر الناس والزحمة مسكين تغلفط ورد علي : " طول الله رااااسك"

هههههههههه والله ماقدرت اتمالك نفسي من الضحك...
مرة وحدة ضحكت في ويهه...وهو قالها عفويا ومب حاس فيها
ومب داري ليش انا اضحك...

الظاهر من كثر الزحمة يبي يقول "طول الله عمرك" قال :
طول الله رااااسك... ومن ذاك اليوم من اروح اعزي احد اذكر
هالموقف واضحك واخاف يصير لي نفس الموقف.

بعد ماطلعنا قلت الى خوي مع ولد عمي وماتوا من الضحك
ومن ذاك اليوم الى هالوقت اذا يبون يروحون حق تعزية يتصلون لي وبدون مقدمات يقولون لي : " طول الله راسك"... اضحك واعرف في احد متوفي ويبون يروحون يعزونه...

تحياتي...

ههههههههههههه .
مشكووور وما قصرت والله يعطيك العافيه