أضع بين أيديكم أبيات متواضعة .. وأعذروني وإن كانت قديمة .. لكن أعدكم بالجديد في القريب العاجل إنشاء الله .. .
عقب هاك الفراق وعقب ماصديت .. وش جابك ..؟ **عقب ما أقفيت عنـي نـاوي ترجـع علـي ثانـي
تبي ترجع عقـب ماعفـت كـل الحـب بأسبابـك ** تبي ترجع عقب ما كنـت أصـدق يـوم تنسانـي
خلاص ارجوك لا ترجع ترى معوّد علـى غيابـك ** كفايه ما حصل لّـي وأبتعـد يكفينـي مـا جانـي
حسافة .. ما حسبت إنك تخـون وتنكـر أحبابـك ** حشا ما كنت أحسـب إنـك تبـي تبعـد وتنسانـي
عقب ما جيتني وأعلنت لـي حبـك مـع أعجابـك ** عقب ماقلت أحبـك وأعشقـك والحـب سلطانـي
تركت الناس وأخترتك وقلـت الحـظ هـو جابـك ** أحسب إني لقيت اللـي يبيـع النـاس مـن شانـي
حشا ما كنت اصـدق يـوم دونـي تقفـل أبوابـك ** وأنا اللي فاتـح ٍ صـدري قبـل لا أفـج بيبانـي
خلاص ارجوك لاترجع ولكـن أحسـب احسابـك ** اخذ منـي نصيحـة واحتفـظ فيهـا علـى شانـي
ترى مانـي مـن اللـي يتبـع المقفيـن ويهابـك ** حشا من صد عني ما أتبعه لو هـو مـن أخوانـي